Panton Aceh " Kupreh Oh Janda "

Jipot angen kutika asa
meube seulanga harom that wangi
teungoh kuduek2 bak pantue jaga
lewat nyak dara pakek ngon gari

lansong lam hate jituka rasa
lansong lam dada cinta mulai
anuk pak geuchik adek Dina
cuco nek baka d lampoh kupi

urueng that lagak ruman ie muka
mameh ban saka bago d tamsi
sang hana bandeng ban saboh desa
meunan d mata,bak lon peurati

ban wo d dayah buluen barosa
d samalanga bak mesra mudi
hate teukuchok meugudhum dada
adek Dina,harok keu istri

jln meubate lubok pusaka
lubang that raya meudaki2
payah bak tungut teubayang mata
ruman adinda sampo an mimpi

sare2 ureung seumula
di matang raya rame peutani
jangon lam rika panuk lon kata
singkat di haba cinta bersemi

kajitem ngon lon adek Dina
talo asmara,ka saboh janji
saleng meugaseh sabe setia
di kamo dua,sampo hayati

sayang that bulun rudop d cahya
awan that sukla kilat meu ili
ckp that seudeh lon tupu haba
si bungong jumpa kana so jok fi

ma'e pang keubue bin bang jafa
si toke ganja di sagoe idi
urueng ka usueng umu katuha
meunurot haba,polem al hadi

alahai do kurap nibak pha
tumut meu hila ka nibak gaki
pakon keuh jitem oleh poe atra
nyan dub nan tuha gura ta eu hi

pasti peungaseh kalheuh jimita
bak polem karya,dukon peurugi
jumbeng peuruseh pelet ji sua
mlm selasa meu met2 bibi

meunyo lagenyan bak singkat kata
ulon ka rela wahe e dek ti
asai di gata dlm bahgia
ulon meurana,iklah siwah di

gata ulon preh singoh oh janda
bak saboh masa jumpa kembali
adak ka seken bl ngon bk
tetap ku cinta,sipunoh qalbi